27.12.2022
Mit Zuefall isch Schiesspulver im antike China entdeckt worde. Das friedliche Volk macht dadermit himmel-rot-erleuchtendi Feuerwerk-Raketli.
Mit Handel wird das Schiesspulver in Osmanie bekannt. Übermüetig stürme Janitschare i rote Jacke bis iz wyt entlägene Wien.
Mit Schiff u rote Röckli mache d Ängländer wyt entlägeni Völker mit däm Schiesspulver bekannt. Kulturzerstörerisch kolonialisiere sy ganzi u halbi Kontinente.
Mit viu verschlagenem Gschirr wird i de nöie Kolonie dr Tee im See versenkt u nüm beKannt. D Freiheit vo de Rothüüt wird aberkannt, kriegerisch dr Weltfriede verkannt. Wältwyt Wälder, Fälder, Ärde u Leiber verbrannt.
Mit Medie, Spionage u Weltkriege wird d Entwicklig vom Schiesspulver im kommunistisch-rote China bekannt. Sie rüschte uf, um de übermüetig, rückständig, zerstör-kultur kriegerische Mächt das Schiesspulver wieder wäg z näh.
Das isch schiesslich (k)es Spielzüüg!