PKW

Spure hingerlah

Ds Läbe het bi üs aune Spure hingerlah, üsi Härz sy kränkt u verletzt vo üsere Gschicht.

Aui die Sorge, Ängscht u Gräne hingerlö Spure i üsne Gsicht.

Füehle üs zu oft nur wie e chlyne Wicht.

So macht z Läbe u ds Sy ke Spass nicht!

Wei mir doch finde zrügg id Chraft, Fröid u z Licht.

Zwar hei mir viu verlore, doch sy MIR NID verlore!

Mir hei üs chly verlofe u tüe hie umspure!

Mir biete, nütze u gniesse üsi offene u verständnisvolle Ohre.

Beaspruche die tolle Froue u Manne im Stationsbüro vore,

E knappi Erwähnig finge o d Doktore.

So gö schlächti Gfüehl gly mau verlore

u chöme wieder uf die richtige Spure.

Reinige üsi Härz u Hirni bis uf d Pore,

tüe üsi Sorgefalte zu Lachfalte umspure,

lehre uf üs säuber z lose u tüe nid nur brav spure.

Wei nöi abverdiene üsi Spore,

u vo nomau a, ganz langsam u vo vore,

füehle üs wie e grüene Chäfer neu gebore,

gly o ohni Stabilisatore.

U gly einisch wärde mir wieder chönne säge:

Mir geits guet wienä more!

Mit zwöierlei Träne muess ig säge:

As het gfägt u dir wärdet mir fähle wienä more!

Merci viu mau