05.05.2023
Ds Publikum, dr Souverän, ds Volk, bestimmt mit Handzeiche Abstimmige über vorgleiti Theme u Stichwort, ob mir da müesse drüber rede.
Dr Künstler, d Exekutive, setzt d Agenda u ds thematische Programm.
Mit dr simple Ufgab, ds Volk z friede bhalte, unterhalte und zum Dänke arege u bestefalls zum Lache bringe.
Dr Ustuusch zwüschem Souverän und dr Exekutive muess gwährleistet sy. Mitspracherächt isch erwünscht und gforderet!
D Müglichkeit zu Referendum u Initiative besteit.
Ds Publikum "spielt" o mit. Ig wott nid dass irgendöpper irgendöpperem irgendöppis vorwirft wiu er anderer Meinig isch! Es herrscht Meinigsfreiheit!
Zuesätzlichi Stimme chöi mit em ne 5liber kouft wärde
Leider macht d Exekutive nid ging das was dr Souverän de o gärn hät...